JOCK BRYCE, o’ fence post chapper fame, wis hired in by his brother-in-law Tommy Fleming tae git the hairvest job din. He told The SF: “Ma faither bowt this International B250 off Willie Waddell, salesman at Rutherfords o' Coldstream at Kelsae Show in 1958. Reg No ESH 782.

“Everthin’s din wi sic speed and clatter nowadays, nae time, nae patience and huv tae git next year's crop in. A can mind as a laddie when the late George Shiell, of Rennieston, near Jedart, grew black oats, an seein snaw on the stooks in early November! The job aye got din an tho it wis a hard life, folk were mair contented.”